Wednesday, December 28, 2011

Pag-init ng Mundo


             Napakaganda nga namang manirahan saisang napakalinis at maaliwalas na bahay. Kahit na sa ating  sariling tahanan ay mas gugustuhin natin na maging malinis ito kasya sa dumumi. Sa mga kagamitan, naglalabasan ngayon ang mga usong “gadgets” na kahit ang sarili ko ,ay lubos na gumagamit nito; Sa paglabas ng tahanan, sumasakay tayo ng jeep tricycle o kaya’y bus upang makarating ka sa patutunguhan ng madali at walang kahirap-hirap , sa pagkakataong tayo ay naiinitan, nagbubukas tayo  ng aircon o kaya’y kumukuha ng isang malamig na baso ng tubig sa refrigerator. Kakailanganin talaga natin sa panahon ngayon ang mga bagay na ito na makakapagpadali at makakapagpasaya ng bawat araw sa buhay natin .Ngunit naiisip mo ba ang mga nakaambang na panganib na dulot ng mga ito? Naiisip mo ba ang parte mo sa pag-init ng mundo?

             Ano nga ba ang global warming? Lahat naman siguro sa ating mga taong naninirahan sa isang sibilisadong lugar ay alam na ang kahulugan nito. Bagamat alaman natin ang kahulugan nito, Hindi naman natin lubos na inaalam kung paano maisasagawa ang pagpapahinto ntio . sa pangaraw-araw na ting pammuhay, nagpapagana tayo ng iba’t-ibang appliances . sumasakay tayo sa ma sasakyan na di-motor upang mapadali ang transportasyon, tumatangkilik tayo ng mga produktong may pabalat na plastic ,at marami pang iba na hindi mo naman lubos na maitatanggi na hindi ka nakapagdaragdag ng panganib sa ating kalikasan dahil lahat naman ng tao ay nangangailangan ng mga bagay-bagy tulad ng ganito. Ang mga usok ng sasakyan at pabrika ay may mga inihahatid na masasamang elemento, ang mga refrigerator o airconditioner naman na ginagamit natin sa pagpapalamig ay naglalabas ng CFC’s ,at pati na rin ang lubos na pagdami ng greenhouse gasses dulot ng pagkakaroon ng tagas sa mga gas pipelines na naglalabas ng methane. Ilan lamang ito sa mga sanhi ng greenhouse effect kung saan ang init na nanggagaling sa araw ay nakukulong sa loob ng atmospera ng ating mundo , dahilan upang lubos na ito’y uminit.

           Lubos nga naming nakakatakot ang nagiging dulot ng  . Nung mapanood ko ang pelikula na may pinamagatang 2012, nakakapanindig-balahibo ang mga eksenang naganap. Malakasang paglindol, malawakang pagbaha, at ang paggunaw ng lupa . Hindi nalalayong mangyari ang propesiyang iyon  sa tunay na buhay nang dahil sa global warming . Sa panahon ngayon, nasaksihan natin ang mga kalamidad o kaya’y katastropiyang nangyari sa iba’t-ibang panig ng mundo ; lindol,walang hintong ulan, pag-akyat ng tubig, pagguho ng mga lupa at ang paglalabas-masok ng napakaraming mga bagyo sa loob ng napakaikling panahon. Hihintayin pa ba natin na mas tumindi ang lahat ng mga pangyayaring ito? Hihintayin pa ba natin na maglaho nalang ang ating mga hinaharap na kinabukasan? Tayo ang humusga sa sarili natin, pansamantalang pinatira tayo ng Diyos sa mundong ibabaw hindi upang dungisan o sirain ang Kanyang mga nilikha, kundi para pagyamanin at ingatan ito, nang sa gayon ay mamumuhay tayo ng payapa at walang nakaambang panganib sa pagdating ng mahabang panahon.

No comments:

Post a Comment